سیزلره سلام اولسون
گیچن جوما گونی مورداد آیونی 19 اونجی گون شهر کمیجان دااولین همایش باشلادی و بو همایش ده کمیجاندان کوچوب و آیری یرده و شهریستانلاردا ساکین اولان نخبه لر و متخصص لر هماموسی یغیلمیشدیلر
و صاباح دان آخشاما کیم بو شهرستانون توسعه پایدارونا راجع بوتون مسئله لره باخوب و بیر گوزل برنامه قوردولار
کمیجانون توسعه همایشی نین دوزمللی خبرلرینی منیم فارسجا وبلاگلاگ لارومدا گوره بیلیر سینیز
اوماروم اوردا گوروشوروز
هامیزه آللاها تاپشوردوم
گوله گوله
هم سيزي دونيادان اولوم گيچه جك
هم بو بازار رونقه ده بيته جك
بو بويغوش كه بيزيم دامنا باينوره
سيزي كاخ دامونا گليب چيخه جك
خزان يلي بيزيم باغه يخيبده
سيزي باغ بوستانيزادا اسه جك
اجل سويه هيچ بير بوغاز دان گيچمز
سيزي نرمه بوغازه دا توتا جك
ای سیزین تیغ لریز ظولم اوچون اوزون
بو نیزه نی تیزلیگی ده گیچه جک
انوشيروان عدله دونيادان گيتده
سيزين ظولمیز بو دونيادان گيده جك
مملكت دن قوردلار سسي كسيلده
سيزي ايتلر سسين حتماٌ كسه جك
او آتلونی توز توپراقه یاتوبدور
سیزی اششک لری توزه باتاجک
او يل كه خلقي چوخ شمعين سوندوروب
سيزي چراغ لوستره سوندوره جك
بو چول لردن چوخ كاروان گيچيب ده
يقين سيزين كاروانيز ده گيچه جك
ای گوونن اوز بختیه ، شانسیا
او شانس لاردا دردیه دیمی یه جک
بو نوبت کس لردن ناکسه قالده
سیز ناکسلردن ده نوبت گیچه جک
او کسلر نوبتی ایککی گون چکده
ایککی گوندن سیزین کی ده گیده جک
سرنيزه لر قاباقوندا دورموشام
سرنيزه ني باشه دا كوند اولا جك
بو گول آیرولار باغوندا بویوده
سیزی باغ بوستانیزدان دا گیده جک
وارلوق و مال دونیا بیر سو کیمین ده
سیزین بو دونموش سو یردن آخاجک
ای که بو سورونی قوردا تاپشوردی
بو قوردلاری نا قوردلیگه بیته جک
فنا فیله شاهه یخر همیشه
سیزی پیاده لره ده یخه جک
منیم آرزوم بودور یاخچی یاد ایله
آدوم سیزی دیل لره ده گیچه جک
يل لر اسيب چوخلار چیراغ گيچيب ده
يقين سيزي چراغا يل اسه جك
اولوم چوخلار جوانونه آلوبدور
گليب سيزي جواني زه آلا جك
كيمه قالده بو فاني نامرد دونيا ؟
سيزه ده بو گيچرلي قالميه جك
نسيم اسيب بيزيم خرمن اوستونه
سيزي خرمه نه ده طوفان اسه جك
محمد نيك انجام1383 زمستان1384
سوم مرداد 84 چند بیت باقیمانده از شعر را ترجمه نمودم
یونجا بیچن
بیرگون زمینده من یونجا بیچیردیم
ایت تی اوراقونان الیمه کسیردیم
یونجانه چی نی ییب اوستونه قویوردوم
یارپاغونان یارامی باغلیوردوم
یونجادان قیرقلیک لوواسه چیخده
قیرقلیک لر فیریللاده و اوچده
بالاسی اوچا بیلمه ده یخیلده
قارداشوم قاچده جوجه نی گوتورده
آپارده اووده قویده بیر کارتونا
اوزه اوتورده کارتونی باشونا
اوز بالاسی کیم اونی گوزلییرده
گلیب گیدن پیشیکی ایزلییرده
صاباح دوروب مدرسه سینه گیت میشده
پیشیک گلده یازوخ جوجه ن توت موشده
آلده اونی آغزونه دووار باشونا چیخمیشده
بیرده اونا باخاندا اوجوجه نی اورت موشده
اکبر قارداش مدرسه دن گل میشده
بوش کارتونه اوو ایچینده گورموشده
کارتونه قیرمیشده تپیک له میشده
اوت توتموشده بیر مدت آغلاموشده
فروردین 86
ستاره چینی
هر گون بو باغدان بيرين آپارول لار
بير ينگي آچولان گوله دريل لار
گول درنه آللاه قووات ويرمه سين
اونا دي سن شاخه ني سينديرمه سين
هر گون بو باغی بيرگولون دريل لار
بیزیم گوگدن بیر اولدوزه سالوللار
هر گون بیزیم باغا بیر داش آتوللار
بیزیم آغاشدان بیر آلما سالوللار
هرگون بیزیم شوشه نی سیندیریللار
بیزیم قاپ پنجره یه داش ووروللار
بیزه نجیب گوروب یرده دورمورلار
بیزیم صبره گوروب گوگده دورمولار
هر گیجه بیر اولدوز گوگدن دریل لار
امما بیزیم گوگ اولدوزدان دولوده
اجل قورده باخ گور نه تعجيل اينن
منيم يولداشوم درري سين سويوره
منیم صبریم بیتسه یریمده دورمام
یره ، گوگه ، اولار باشونا ووررام
دونیانه یخارام اولار باشونا
تامام آغاشلاره باشونا چال لام
هیچ کسی دونیادا قارداش سوز خدایا قالماسون
واللاهی قارداش بلین ، قارداش اولومه سیندیرر
بارالاها هیچ کسه آتدان یره سالما گونان
قارداشه آت دان فقط قارداش اولومه اندیرر
محمد کمیجانی
من سنین خال لبی وه گوزلیم خوار اولدم
او قارا قاش قارا گوز یاره گرفتار اولدوم
گجه گوندوز نه قدر گوشه لره آختاردوم
تاپمادوم سندن اثر گوز یاشونا زار اولدوم
بو منیم بولبول طبعیم سحره نعره چکیب
داخی بولبولدان اثر قالمادی من سار اولدوم
یله دیده گوزلیم: گل منه ایرانا آپار
دلیرلر یرینه ، کشور شیرانا آپار
منیم قوره بدنیم ، یرده گرچه تک قالموش
منیم روحومه گوتور ، جمع رفیقانا آپار
گویلوم توتولوب ، فارس خلیجین ایستر
منی دالغایا اوتورد، شهرآبادانا آپار
اوشاقلوخ عالمینه ، تازه لن مک اومودونا
منی گولزاره گزیب، دشتک ماهانا آپار
نه آرزولار که باشومدان گیچیب یله گیتده
منی گوتورگنه او موتلو تهرانونا آپار
اگرچه جسم قالوب بو غریب یرلرده
منیم روحومه گوتور اوزله دیم مکانا آپار
گویلوم توتولده ، گلی تا اویمیزه قاییدک
منی ننه م گیل ائوه ،شهر کمیجانا آپار
محمد کمیجانی 6/12/84
این شعر ترجمه شعر "مرا به ایران بر " روزنامه نگار ایرانی آقای علیرضا نوری زاده و زبانحال بسیاری از هموطنان ماست که در سراسر گیتی پراکنده شده اند و هر روز شعر ایران ایران را زمزمه می کنند . بیت اول شعر مذکور این است :
به باد گفت عزیزم ، مرا به ایران بر
مرا به شهر دلیران و شهر شیران بر
Davamı...
یازموشدولار میلوشوویچ اولووبدور
یوگوسلاوی گنه خلقه قالوبدور
باخ گور نقدر جنایت ایلدیلر
باخ گور نقدر آدامه اولدوردولر
مین لر آدام اولده غائله سینده
یوزلر آیرولده اوز عائله سیندن
گلمیش گیدمیش سیزه نصیحت اولسون
سرنوشته سیزلره عبرت اولسون
اروپانه بیر مدت چکده اوتا
کوزوونه ویران ایتده تا باتا
بوسنی ده ده یوزلر موسلمان اولده
دوشدولار جوانلار هامو تابوتا
چوخ شیطانلار یقیلدیلر اورایا
داعوادا هر شر آختاران داش آتا
یوگوسلاوی وحدته ده پوزولده
اوشاخلاردان ننه اله اوزولده
نچچه وقت دن بیر قطعنامه یازولده
جنایت کار آدام لاره توتولده
جنایت کار جنگیدور بو نامرد
لاهه ده بیر بویوک دادگاه قورولده
چکلمده جنایتلر یوککونه
خبر گلده زندانوندا اولوبده
بوگون دا اولماسا ، صاباح باخارلار
منیم سنی اعمالیمه گورل لار
خلق قوزانوب بیزلره ده توتارلار
بیر دادگاه و بیرمحکمه قوراللار
نفسیم گلیب اطرافوم توتوبده
مین لر جنایت حکمونه آلوبده
بیلیرم که هیچ فرصت قالمیوبده
بو دونیا هاردا بیر کسه قالوبده ؟
نیک انجام 22/12/84
من گل ميشم تابو[1] لاره سينديرم
داش زاد آتام آلمالاره اينديرم
منيم وبلاگومي تاجه سينوبدور
بيلن دي سين نجه اونه دوندرم
بايرام گه لر ياشول گول لر آچولار
قيش نفسي نن بيله مم سوندورم
پوف ف ايلين سق قل لرين ياندورور
ايسته ميرم آق سق قليم ياندورم
چوخ دانوشانه بورادان قووورلار
هله من ايستيرم داوام گتیرم
[1] - تابو را بايد از لار جدا بخوانيد . تابو به معني خطوط قرمز است و نه آن خطوط قرمزي كه در مطبوعات روز مرسوم است . منظور شكستن سكوت ديرينه است . اگر تا را از بولار جدا كنيم و بخوانيم به معناي , تا اينها را , مي شود كه چون مفعول آن آورده نشده است شعر بي معني ميشود . .
.
قلبیم آللاه آدونا ساکن و آرام اولورههرگون آللاه یانونا ینگیده بیر یول بولوره آللاهون سمتینه مین لرجه جهت کشف اولونوبگنه هرگون ینگی مین لرجه جهت کشف اولوره
آللاهون قورخوسونا گویلوم ایچینده یر یوخ چونکه هر دم ایچینه عشق و محبت دولوره چوخلاره گوردوم که بیر کیمسیه بویون اگمزآللاهون عشقینه بویماق کیمی بوینا سالوره
دونیا دا بوش قالاجک کیمسه بورادا قالماز آمما یادلاردا فقط یاخچی یامان لیک قالوره بولوت لار یولداشون اولسون
او یول لارپاپوشون اولسون
هاموکس قارداشون اولسون
آللاهوم سنی ساخلاسون
قوی منیم ببه م یوخلاسون
گون چالورده داغ دالوندان
آی باخورده بولوت لاردان
یل اسیرده آغاج لاردان
آللاهوم سنی ساخلاسون
قوی منیم ببه م یوخلاسون
قوش لار اوچده چوله گیدده
یار سال لاده الین گیدده
گویا منیم جانوم گیدده
آللاهوم سنی ساخلاسون
قوی منیم ببه م یوخلاسون
داوارلار چوله گیدیرده
قوزولار اووده مه لیرده
باشوما توپراق سه پیرده
آللاهوم سنی ساخلاسون
قوی منیم ببه م یوخلاسون
منیم تورکی شعریم چوخ ده
تورکومه اوخویان یوخ ده
بعضی سوز لر جانا اوخ ده
آللاهوم سنی ساخلاسون
قوی منیم ببه م یوخلاسون
کوچه برزن ماشون اولده
قبر اوسته ماشون دان دول ده
محبت آز ماشون بول ده
آللاهوم سنی ساخلاسون
قوی منیم ببه م یوخلاسون
قالی لار ماشونی اولده
ال قالوسه چوخ آزال ده
منیم صبریم جامی دول ده
آللاهوم سنی ساخلاسون
قوی منیم ببه م یوخلاسون
یول مگر آسفالت اولماده ؟
ماشون پالچوخ دا قالماده
هیچ کیمسه قاپوم چالماده
آللاهوم سنی ساخلاسون
قوی منیم ببه م یوخلاسون
داوار بیت ده سوت توکنده
دیب دن واراداش که سیلده
سوت و قاتوق شهردن گلده
آللاهوم سنی ساخلاسون
قوی منیم یاروم یوخلاسون
کندلر هامه بویوک اولده
بویوک کدلر ده شهر اولده
عشق و محبت آزالده
آللاهوم سنی ساخلاسون
قوی منیم یاروم یوخلاسون
جمعیه تیمیز چوخالده
بویوک حاصارو هارداقالده
هرکس آپارتمان آلده
آللاهوم سنی ساخلاسون
قوی منیم یاروم یوخلاسون
قبیرصانلوق آباد اولده
دوشمن قالده دلشاد اولده
دوستلار گیدده بیر یاد اولده
آللاهوم سنی ساخلاسون
قوی منیم یاروم یوخلاسون
نامازه سن باشارورسن قضا قيلي گوزليم
بيزيم اوتور دانوشاقون قضاسي اولمياجاق
بهار گونلريني ارزشه بالام چوخ دور
گيچن گونه گيديب الدن او داخي گلمياجاق
نقدر ويرسه بيزه مال و ثروت و گوج دن
جهاندا كاسه ي چوخ ايسته رم ده دولمياجاق
بو گونلري گوروسن فرفره كيمي گيچيري
صاباح گوزيوي آچاندا بو گون ده قالمياجاق
تا وارده فرصتي جانا بير آز محبت ايله
صاباح گلر داخي بو كاره فرصت اولمياجاق
محمد كميجاني 21 فروردين 84
چیخدیم داما دامنان باخدوم داغلارا
باش دولانده گوزوم دوشده باغلارا
یادا دوشده او جوان لیک چاق لارا
گیشده گیتده فقط یادلاردا قالدهژاندارم اولسا ، معلم یا سپاهی
هر کیم گلسه ، تورک یا فارس یا سیاهی
بیزیم اکبر اونا یولداش اولارده
اونا یولداش دیمه قارداش اولاردهگاه گیدردیک باغلاره دولاناردیک
گاه چیخردیک داغلاردا بیز گزردیک
هاردان گیریب هارالاردان چیخردیک ؟
بیر یل کیمین کوچه لرده اسه ردیکیادا دوشده که من داما چیخردیم
دامنان بالا قارداشه سس له نردیم
قونشه قیزه منیم سسیم تانورده
داما چیخیب بیز اوردا دانوشاردیکاکین چی لر بیلدیرچینه توتاندا
قرقلیک لر قریللایوب اوچاندا
قازالاخ لار نومورتا نه دوغاندا
ات بالالار نومورتادان چیخاندا
چوپان لار گیچی دن سوتون ساغان دا
بیز گیدردیک چولده وه ره گه اوتا
بعضی وه ره گی نه اکبره ساتا
چولده دوشوب بیر سار وه رک قازار دیک
بعضی وه ره گه قارداشوما ساتا
قورره چوره گه داشونان دوگردیک
خورد ایلییب بیر چاناقا یه قردیک
اوستونا جک سرین سودان توکردیک
بیرساهات دان نم چکیب نرم اولارده
ایران توکوب اونی قاتوب یی یردیک
سورره گلیب یانوموزدان گیچرده
چوپان گلیب بیزده بیر سو ایچرده
آللاه قووات ویرسین بیزه دی یرده
گیچیب گیدیب ناهار سی ناق [1] یی یرده
بیر دسته پوویونا بیزه ویررده
بیزیم کولگه لیک ده چای سو ایچرده
[1] سی ناق بر وزن قیماق با فتح س و ی ساکن خوانده می شود و آن عبارت از شیری است که چوپانها از گوسفندان می دوشیدند و سپس در درون آن سنگهای داغ شده در آتش را می انداختند و شیر در اثر داغی آن سنگها پخته و بسیار خوشمزه می شد و آنرا برای ناهار با نان ترید شده می خوردند .
ندن منیم شعرلریمدن قورخوروز
بیرجه غزل اوخوماقدان قورخوروزاگر قارا جانیز بو قیشه باقلی دگیل
ندن باهار آد و سانوندان قورخوروزچولده قالموش قاردان بیر اصلان کیمین
گون ایشیغی کیم شعریمدن قورخوروزچون شاعر هر دوره نرخینه چورک ییمیره
سولی دادلی سوزلریندن قورخوروزنه دوشمنلیک واریز عشق و گولوش نن ؟
هر کیمسه عشق دن دم وورسا قورخوروزکوللوکدان دا گوگر میشیز سیز هامیز
نژاد ،تبار کلمه سیندن قورخوروزنه قورخی وار سیزده ضحاک نقلیندن ؟
ندن کاوه ، مازیار دان قورخوروزیقین سیزی تشتیز دامنان دوشوبدور
که دورد بش نفر جمعیندن قورخوروزبیزه دارا چکیدیز الله حوکمونله
ندن داردا که رقصیمدن قورخوروزتوتدی سیزی ظفر سوزی عالمه
بیر آرواد قارقوشوندان سیز قورخوروزدیدیز مهدی گلر دونیا عدل اولار
ندن منیم آد ، سانومدان قورخوروز
منیم جانلی شعریم عشق دن گلیبدیر
سیز اومودلی اورکلردن قورخوروز
ترجمه : محمد کمیجانی شانزدهم آبانماه 1385
آلاهوم ، بو گوزل ایی ، هانسی مکان دان گلیره ؟
یا بهشت دن گلیره یا کمیجان دان گلیره ؟
یا صبانون یلی یار گیسولریندن اسمیش
یا ارم باغی و یا رضوان باغوندان گلیره
یا شمال یلی اسیب گول باغچاسوندان ، ایی آلوب
او نسیم اسماقا ، بو جان و تنه ، جان گلیره؟
ای برادر نه وریم شرح ، که سندن سورادان
اکبریم ،گویلومه گور ، غم فراوان گلیره
دین ایشیقه که منیم گویلوم اونا روشن اولار
او نوردان عالم امکانه درخشان گلیره
بو جهان دوورونه نه قدر دولانسا ، دولانوم
بو منیم گردشیمه آخره پایان گلیره
یوسف گمشده کیم ، ندن دونه مم اوویمه ؟
لاجرم منیم سینه م ، کلبة احزان گلیره
سحرین قوشه کیم ، شب دن سحره نعره چکیم
بو نه دن دیر که ،گوزل ایی گولوستان دان گلیره
گورک آیا وطنه بیرده داخی دونه بیللم ؟
تا آللاه طرفیندن ، منه نه فرمان گلیره
اراکا قه یید مه سن ده کمیجانی نه عجب
که بو خار و خسه ، نه لایق بستان گلیره
اراک مرکز استان مرکزی و کمیجان یکی از شهرستان های آنست
نازنین منی سیزین باغ یولونا قویمورلار
کی چومن خار و خسی لایق آن بستانه ؟
عمرومون آخور ایل لرینده باخ گور نیلمیشم
عاشقم بر کسی که شاگرد دبیرستانه
باغ گلده بوستان گلده
گنه گولوستان گلده
داغلار دوشه گوگریب
سبزی و ریحان گلده
یار گیدنده من اولدوم
بیر موددتی یخیلدیم
خبر گلده یار گلیر
بو جسمیمه جان گلده
یاغوش گلده قار گلده
کدلره جیران گلده
باهار اولار بش گوندن
گول رگینه قان گلده
قیش گیدده باهار گلده
گوللر بیربیر آچولده
هاوا بیردن ایسینده
گامان تابیستان گلده
یاروم سوزوندن دونده
بیرده منه گل مه ده
یاری بو سوزلریندن
تیر یاغده کامان گلده
از اكتاويوپاز به ترجمه سعيد آذين شعري در صفحه اخر روزنامه همشهري روز يكشنبه 15 شهريور 83 نقل شده است بدين مضمون :
مي خوانند
پرنده ها
مي خوانند
بي آنكه بدانند
چه مي خوانند
تنها با تمام گلويشان مي خوانند
اما پاسخ من به او این است :
مي خوانند
پرنده ها مي خوانند
ما نميدانيم آنها چه ميخوانند
ولي خود مي دانند كه چه ميخوانند
آنها با تمام وجودشان مي خوانند
با اين همه انرژي مگر مي شود كه ندانند ؟
ما نميدانيم
پرندگان كه بر بالاي درختان
شاهد سخنراني يك نفر در روی زمین
و هورا كشيدن ديگران بودند مي گفتند :
حرف مي زنند آدم ها ح
رف ميزنندبي آنكه بدانند كه چه مي گويند
آنها با تمام وجود فرياد ميزنند
باخ قمیش لرده شیکایت ایلیره
آیرولوخ لاردان حیکایت ایلیره
تا قمیش لیک دن منی کسدیردیلر
قارنوموزدان بو یلی اسدیردیلر
یل دگیل بو بیر الاودور جان من
دور قیراخدا چوخ یووخلاشماگینن
بیرجان ایستر لخته لخته قان دوله
تا دی یم من آیرولوخ دان هر یوله
گیددیم اما اون لارا بار اولمادوم
یاخچی لاره پیس لره یار اولمادوم
هر نه رمز و راز وار بو یل ده دیر
آمما گوز قولاخ دادا یوخدور شوعور
سلام
دوستان عزیز و گرامی
با کمال خوشوقتی دیم آذربلاگ راه افتاده
حیفم اومد که در این صحنه قدمی برندارم و قلمی نزنم
ولی از آنجا که اغلب خوانندگان وبلاگهای کمیجان قادر به خواندن حروف ترکی نیستند
لذا باجبار بفارسی مینویسم
